• Portada
  • >
  • Asturies
  • >
  • Nel Primeru Mayu Andecha Astur alerta de los pelligros de la “Nuea Normalidá” pal pueblu trabayaor

Nel Primeru Mayu Andecha Astur alerta de los pelligros de la “Nuea Normalidá” pal pueblu trabayaor

  • 1 Mayu, 2020

Ye previsible que les consecuencies de la cris sanitario del coronavirus y la consiguiente cris del sistema capitalista acarrete cambeos sociales y económicos emportantes a nivel nacional, estatal y mundial. Dende Andecha Astur prevén qu’esto cambeos afonden na desigualdá de presones y territorios en llibertaes, drechos y calidá de vida, afeutando especialmetne a les clases populares

Poro, dende la organización nacionaliega vienen d’emitir un comunicáu, aprofitando esti peculiar Primeru Mayu, nel qu’afalen a tar sollertes ante “l’intentu del Estáu español y del so “Principado” títere pa, aprofitando la situación de cris xeneral, reconvertir el modelu social vixente, poniéndolu entá más al sirviciu los porgüeyos del Estáu y el capital. Tenemos de lluchar pa que la torna pola que nagüen haza la “Nuea Normalidá” nun tenga comu pegoyos l’endurecimientu de la llexisllación llaboral, un recorte mayor de les llibertaes civiles y una ñegación más agresiva de los drechos de les naciones primíes pol Estáu español”.

Desixen, poro, el drechu a rescatase del pueblu asturianu, ello ye, que se devuelvan a Asturies los fondos que-y foron arrampuñaos y que son necesarios pa refacese; sicasí, refuguen la concesión de créitos especiales, ya que consideren que nun son más qu’una hipoteca. Reclamen por contra la reconocencia darréu d’una renta básica dina y aídes sociales ensin retornu, “non pa la gran empresa, sí pa los paraos, pa los trabayaores regulaos o despidíos, los autónomos pesllaos, los agricultores y pescaores, los pequeños comerciantes, la hostelería y tolos seutores productivos afeutaos, asina comu pa facilitar la torna de los que foron obligaos a emigrar”.

Nun escaecen nel so comunicáu la so hestórica vindicación del autodetermín, nun conformándose con “que’l réxime borbónicu retorne la capacidá executiva a les “comunidaes autónomes”cuandu fine l’estáu d’allarma, falamos del acabu d’esi réxime y de la reconocencia de la llexisllación internacional que regula’l drechu les naciones, comu Asturies, decidir el so propiu futuru”.

Poro, nesti 1u Mayu conviden a los asturianos/es a nun confinar el so compromisu social, a dotase d’organizaciones sindicales que reconozan Asturies comu’l marcu específicu nes rellaciones llaborales y a participar activamente en cuantes rempuestes hebia na defensa de los drechos y llibertaes, la xusticia social y la redistribución de la riqueza.

Redaición InfoAsturies

 


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies