• Portada
  • >
  • Conceyos
  • >
  • La Rede Oeste denuncia la inoperancia de los Servicios Sociales en Xixón

La Rede Oeste denuncia la inoperancia de los Servicios Sociales en Xixón

  • 15 Abril, 2020

La solidaridá ciudadano, individual o d’asociaciones y coleutivos, ye la que ta dando rempuesta a les necesidaes de la población
L’Asociación Rede Xixón Oeste destaca les munches situaciones que dexen a la población ateyavana col empreslle, coleutivos que, especialmente nos barrios obreros de la ciudá, nun tienen dalu ingresu col qu’afrontar estos meses d’inactividá. Trátase de circustancies que ya yeren precaries anantes d’esta situación estraordinaria, pero qu’agora tornense incaltenibles “Con esti virus aflora el problema de la economía somorguiada. Un problema mui severu, que ta dexando a muncha xente estos díes ensin ingresos. ¿Cuánta xente trabaya en cases llimpiando o ayudando a una persona dependiente y nun cotiza?, ¿a cuánta xente n’hostelería y n’otros seutores yos paguen parte de les hores en prieto?, ¿cuánta xente chollea pa complementar los ingresos de la unidá familiar?, ¿cuánta xente vive del pequeñu comerciu y queda ensín ingresos?, ¿Cuánta xente migrante que nun tien papeles queda agora sin nada? ¿Qué pasa coles muyeres que se ven forzaes a prostituyíse? qu’agora nun tienen ningún ingresu, unes muyeres que la sociedá y l’estáu dexaron de lláu completamente. Y tantes otres situaciones asemeyaes”.

Pa esta asociación la solución pasa por una renta mínima indefinida y un control que permita apurrir el sofitu nel mesmu intre en que se produz una necesidá; pa ellos nun ye cuestión de posibilidá, sinón d’enfotu “Pa los empresarios bien rápido que se busca remediu, bien pronto que manden a los trabayadores al mataderu, pero a los trabayadores, como clase, en too l’espectru qu’abarca, ¿quién ta pa protexelos?”
Dientro la xente de clas trabayadora que ta nestes situaciones tamién hai matices, les muyeres tienen más dificultaes que los homes, neto que les persones migrantes, les persones con discapacidaes o con enfermedaes mentales, pero tamién les persones que vienen de families desencadarmaes, de situaciones de violencia, de l’orfandá… cada casu necesita una atención y un sofitu concretu.

Nesti escenariu, los servicios sociales son imprescindibles pa torgar males mayores, pero la Rede denuncia que, si ya de man l’alministración ya’l sistema dexaba muncha xente fuera, agora esta estaya de la población ta entá más desdexada “De nun ser poles persones que de forma desinteresao tan echando una man nestos momentos, si nun fuera polos coleutivos, asociaciones y ONGs, ¿que sedría de toa esta xente? Pero caro, ye más fácil que les perres nun les tenga que poner l’ayuntamientu y l’alministración”.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies