La Fundación Barredo consume irregularmente dende va años agua del manantial Panizu, ensin en la necesaria llegalización del abastecimientu

De magar l’añu 2005 furrula n’Anes, Sieru, una istalación esperimental pública d’investigación financiada con Fondos Mineros na que se faen prebes a escala real de fuéu n’interior de túneles, actividá na que se utilicen grandes cantidaes d’agua procedentes del acuíferu de Panizu y na que se xenera una importante contaminación, procedente de la quema d’estremaos combustibles nos túneles. Tres de la denuncia interpuesta pola Coordinadora Ecoloxista d’Asturies la Fundación Barredo foi sancionada pol furrulamientu illegal, ya que nun tien los permisos precisos pa utilizar esti agua y amás realiza d’avezu vertíos d’agua contaminaos ensin depurar a la rede.

Sicasí, esta sanción nun foi abondo pa que pararen na so actividá, polo que la Confederación Hidrográfica del Cantábricu vien de desixir a la Fundación Barredo la llegalización del abastecimientu d’agua o l’abandonu de la so actividá, reponiendo la captación al so estáu orixinal.

El “Principado” llávase les manes nesta cuestión, seique reconoz esta actividá comu “molesta y pelligrosa”, trespasando la responsabilidá al Conceyu de Sieru, que yos caltién la llicencia pese a les irregularidaes.

Redaición InfoAsturies

This work is licensed under a Creative Commons Attribution 4.0 International License.