Sentíu homenaxe a Andres Solar

  • 29 Decembro, 2019

Pallabres d’alcordanza, música de gaita y poemes que respiguen nel cabudañu de la muerte del que foi una gran perda pal nacionalismu asturianu y les nueses lletres

La música de la gaita abrió l’actu, cellebráu a les puertes del cimenteriu de Deva nel que descansa’l poeta y onde dende va 15 años una placa colos sos versos, puesta por Andecha Astur, remembra a Andresín.

 

 

 

Darréu, les pallabres del so collaciu y compañeru nel Ensame Nacionalista Astur, Lluis Antón González, resaltaron el calter auténticu del poeta, “Perriba de tou yera una bona persona, un aldeganu, un paisanu en tolos sentíos, nel meyor de los sentíos”.

 

Na intervención política, Mariano Suarez dirixóse direutamente a Andrés Solar nuna carta na que y cuntaba  la evolución del nacionalismu asturianu y de munchos de los que se decíen los sos compañeros, qu’agora abandonaron la llucha de magar la so ausencia, destacando al tiempu la resistencia d’aquellos qu’entá pueden recitar cola tiesta alta los sos versos d’amor a Asturies:

 

Prúyemos un pueblu llibre
que nome cola so voz
los sos collacios y el pan
      prúyemos un pueblu llibre
       y una Asturies dixebrá”

Pa finar l’actu, tuvo llugar la ufrienda d’un ramu de flor y felechu, la lletura pública de dellos de los sos versos más comprometios y el canciu de “La Flor del Agua” .

Llucía F. Marqués

FacebookTwitter

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies