Iniciativa pol Asturianu esixe que la toponimia oficial tea presente nel Palaciu los esportes “Presidente Adolfo Suárez” de Xixón y denuncia que’l pliegu de condiciones nun recueye la toponimia oficial, polo que  reclama que se retramite la licitación incluyendo la toponimia oficial

La organización denuncia que’l pliegu de condiciones que presenta’l Conceyu pa la instalación del nuevu parqué nel Palaciu los Esportes “Presidente Adolfo Suárez” de La Guía en Xixón, nun recueye la toponimia oficial y únicamente apaez la denominación en castellán.
El documentu col pliegu de condiciones del concursu que se puede consultar na páxina web municipal afita nel puntu 6 que «Asimismo, se incluirán dos serigrafías del logo de “Gijón”». A pesar de que’l procedimientu de presentación d’ufiertes va terminar dientro d’una selmana, la organización pide la retramitación de la ufierta pa incluyir la denominación oficial.
Iniciativa pol Asturianu reclama que s’utilice’l topónimu “Xixón”, qu’agora tamién tien una presencia nula nel espaciu, tanto nel parqué como nes valles llaterales.
Redaición InfoAsturies

This work is licensed under a Creative Commons Attribution 4.0 International License.