• Portada
  • >
  • Economía
  • >
  • Xabaz descensu del Indiz de Produción Industrial en cuasi 12 puntos

Xabaz descensu del Indiz de Produción Industrial en cuasi 12 puntos

  • 5 Avientu, 2019

Si en Setiembre saltaron les alarmes con una cayía del 7% frente a la meyora estatal del 3%, n’Ochobre la baxada del 11’9% dexa a Asturies comu la pior parada del estáu


L’Indiz de Produción Industrial ye un índiz de volume cuya finalidá ye midir la evolución nel curtiu plazu del valor añadíu de les rames industriales. Pa la so ellaboración, l’INE (Istitutu Nacional d’Estadística) escueye una riestra de bienes representativos de tola industria ya un panel d’industries que los producen, midiendo la so produción por meses y comparándola colos datos de los mesmos meses n’años anteriores, colo que se tien una idega de la progresión d’esti seutor económicu.
Nesti mes d’Ochobre, IPI d’Asturies baxó un 11’9% respeutu a Ochobre l’añu pasáu, el pior datu de tol estáu español, onde se recueyen datos medios positivos.
Un picu tan baxu nun se rexistrare nestes feches dende finales del 2015 y anicios del 2016, años nos que, per otra parte, algamárense bonos datos el restu l’exerciciu económicu. El 2019 foi especialmente llaceriosu p’Asturies, onde 9 meses los datos foron de negativos a mui negativos, empiorando bultablemente la tendencia nos caberos meses del añu.
Remembremos que industria ye’l seutor que más puestos perdió n’Asturies na cabera década, con cerca de 23.000 puestos de trabayu menos, más de dos mil en namás un añu.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies