Asturies rexistra la segunda mayor cayía na so produción industrial el mesmu mes qu’España algama la so segunda meyor cifra l’añu.  La industria ye’l seutor que más puestos perdió na cabera década, 22.600, 2.000 d’ellos namás l’añu pasáu

Acordies la información apurrida pol INE (Istitutu Nacional d’Estadística) la produción industrial n’Asturies cayó un 7%, frente al incrementu de más del 3% rexistráu nel conxuntu l’estáu, ello ye, la desemeyanza pente la evolución n’Asturies y n’España supera los diez puntos, afondando nes desigualdaes y nel desaniciu del texíu económicu asturianu; namás Baleares, con una cayía de más del 8%, amuesa una cifra pior que l’asturiana.

Una bones desaniciaos los sectores agrícoles y ganaderos, cola mina estinta, la costrución nun de los sos piores momentos y les rácanes cuotes pesqueres dificultando el caltenimientu de la pesca, el declive de la industria -con despidos masivos y preslle de grandes empreses- dexa a Asturies, entantu nun se camuden les polítiques aplicaes, ensin más opciones a curtiu plazu que’l turismu, únicu seutor pol que los gobiernos del “Principado” apostaron y qu’acarreta una fuerte precariedá llaboral.

Llucía F. Marqués