• Portada
  • >
  • Asturies
  • >
  • La banderona d’Uviéu ya’l pelligru del españolismu patolóxicu

La banderona d’Uviéu ya’l pelligru del españolismu patolóxicu

  • 29 Payares, 2019

Andecha Astur  define comu “Síndrome de Napoleón” l’enfotu de la drecha española d’imponer l’españolismu n’Asturies, con actos comu la istalación d’una bandera monárquica española 60.000 € n’Uviéu y llama a refugar la imposición identitario, reforciando les rempuestes asturianes ante un españolísmu patolóxicu

El síndrome de Napoleón defínese poles conductes impositives de quienes lu carecen, coles que faen por compensar la so curtia talla… nesti casu, política. Asina pescancien dende la formación nacionaliega la istalación de la banderona, cola que la drecha española n’Asturies fae por disimular lo irrelevante de la so influyencia n’Asturies, un país nel comu remembren dende A.A, los estudios sociolóxicos siempres amosaron el predominiu de los que se sienten sólo asturianos asturianos per delantre de cualisquier otra consideración.

La banderona, la Fundación de la princesa española, los premios que dan, los gastos publicitarios, la merca de voluntaes… Vese que se necesita fundir munchu dineru pa tapecer qu’Asturies ye la primer nación hestórica de la península. Y necesítase un altu nivel de represión político ya identitario pa ñegamos el drechu a decidir (perriba d’un Estatutu d’Autonomía impuestu) y el drechu a usar llibremente la nuesa llingua”.

La istalación total de la banderona, qu’inclui xixilancia y acondicionamientu del llugar, tien un presupuestu superior a los 60.000 euros -namás el mástil ya son 50.000- abondo pa que una familia col SMI viva cuatro años y mediu, más de lo que los más desfavorecios d’Asturies –acordies los datos de l’Axencia Tributaria- ganen en venti años, abondo pa 600 beques escolares. Critiquen tamién los medios que se tan utilizando pa que la banderona te puesta a tiempu pal cabudañu de la Costitución española: contratos menores urxentes, gastu desproporcionáu ya innecesariu, falta d’alcuerdu social previu… la necesidá de xixilancia y proteición policial espeya que ya saben de la refuga que la bandera tien pente los asturianos.

Poro, llamen a los asturianes y asturianos a amosar el so desacuerdu y tomar midies pa torgar “qu’esta drecha española desenrrolle más síntomes de megalomanía antiasturiana y antidemocrática” teniendo pernidio, qu’el PSOE y los sos socios de Podemos nun lo van facer.

Prendes


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies