Nel Díi contra les Violencies Machistes…

  • 25 Payares, 2019

Seique Asturies tien el cuartu ratiu más baxu de violencia escontra les muyeres, la cifra, 9’2 víctimes por cada 10.000 muyeres -frente a les 13’69 de media n’España- sigui siendo descomanada

Queremos dedicar unes llinies a les cerca de seiscientes muyeres que güei lleven prendíu el movil col deu cerca la tecla d’emerxencia que les pon en contautu col so serviciu de proteición, a les 8 que, de media, denunciarán güei una agresión que venga a sumar a les 2.038 denuncies por violencia machista dende Xineru a Setiembre, 599 nel pasáu trimestre, a les families de les 23 asturianes asesinaes pola so pareya de magar el 2003, ensin escaecer a toles qu’entá nun s’animaron a dar el pasu a denunciar o a pidir aida, a les que nun s’atreven a denunciar l’acosu nel trabayu por miéu a perder el mediu de vida, a les que creen que nun ye violencia l’acosu y control que carecen al traviés de redes o del whatsup, a toes, remembrayos que nun tan soles y qu’esiste un númberu de baldre -el 016- al qu’elles o cualisquier otra persona que quiera denunciar un casu de violencia machista puede facelo anonimamente.

Tamién queremos aprofitar fecha tan señalao pa falar d’otres muyeres. Les prostituyies escontra la so voluntá, o les qu’aporten a esa opción forciaes por situaciones económiques incaltenibles. Les qu’asumen la brecha salarial comu inevitable y cobren mui perbaxo del llabor que desendolquen. Les que tornen pa casa con miéu o nun salen de nueche, les que se metieron en pelees por defender el drechu a que nun-yos toquen -si nun quieren- el culo o una teta, les que nun se visten comu querríen, nin  faen lo que quisieren y tamién a les valientes que lo faen, asumiendo’l riesgu estra, l’esfuerciu estra, la dificultá estra, namás por ser muyeres. A les mas de families monomarentales, principal ñeru, xunto coles muyeres pensionistes, de probitú n’Asturies. En resume, les 534.578 muyeres que vivimos n’Asturies y que, d’una u otra mena, carecimos les consecuencies del nuesu xéneru en forma negativo.

A toes nosotres y a toos vosotros, remembranos que la llucha polos drechos de les muyeres nun ye una pancarta o un llazu moráu na mani de güei o na del 8M, sinon una llabor diario a facer en comuña. Sicasí, güei toca visibilizar esta llucha y pa ello tenemos delles cites: concentración en Begoña (Xixón) a les 19:00,  homenaxe a les víctimes a les  13.00 y 18.00 hores, nel cimenteriu efímeru allugáu na Plaza Porlier (Uviéu), concentración silenciosa a les 12:00 n’Avilés y actividaes n’abondos teatros, places y colexos per toa Asturies.

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies