La falta de llocal nun torga qu’esti añu, comu vienen faciendo nos anteriores, el Cientru Social La Kuadra collabore cola llabor solidaria del Raposu Rock, que se cellebrará n’Uvieu a finales del mes entrante

El 23 de Payares la uvieina Sala Sir Laurens acoyerá la quinta edición del Raposu Rock. El festival siguirá apostando pola fórmula de las caberes ediciones: 3 bandes d’Asturies ​​​​​​(Hammercross, Inntermezzo y La Tarrancha) y una de más pallá del Payares (los murcianos Knibal) Pero amás de la parte musical, el Raposu Rock tien otra importantísima vertiente que ye la solidaria, una recoyida d’alimentos pa la cocina económica d’Uviéu qu’aumenta con ca edición.

Dende’l CSA La Kuadra avecen collaborar con esta recoyida, y nun cuenten dexar que’l fechu de tar en fase de treslladu yos lo impida: l’ún de Payares tarán nel Bulevar music pub na Pola Llaviana nun konciertu solidariu col qu’echarán un gabitu al Raposu Rock na xera de guetar alimentos non perecederos pal comedor social. Por supuesto, pa ello echen man tamién de la música, colos grupos Ochobre y La Mueska. Los conciertos entamarán a les diez de la nueche y la entrá sedrá de baldre, seique s’agradez la collaboración con comida pa la colleuta.

Llucía F. Marqués

This work is licensed under a Creative Commons Attribution 4.0 International License.