Dos años, diez meses y veintidós díis ensin rempuesta de Correos. Esi ye’l tiempu que lleva l’usuariu de twitter @Xovellanos llanzando la mesma entruga

Correos nun ufre dengún documentu, información nin cartelería n’asturianu dientro d’Asturies, amosando -comu por otra parte faen cuasi toles entidaes públiques-  la falta de sensibilidá d’esti organismu pa colos asturianos. Sicasí, lo vraeramente denunciable ye qu’incumple sistemáticamente la Llei d’Usu y promoción de la Llingua, al nun respetar la toponimia oficialmente aprebada en 65 conceyos y siguir utilizando les versiones castellanizaes de los nomes de los llugares.

Seique ye llamentablemente frecuente esti incumplimientu, nesti casu nun pueden escudase en nun se decatar d’ello: ca díi, dende va cerca tres años, reciben un tweet pidiendo rempuesta a la entruga de porque nun utilicen los nomes llegales, asina comu un enllaz a la información toponímica afayaiza. Dos años, diez meses y ventidós díis ensin dar esplicaciones ya ensin cumplir la llei.

Llucía F. Marqués

This work is licensed under a Creative Commons Attribution 4.0 International License.