La conceyala de Bientar Social y Drechos, Natalia González, pon en duda la continuidá del programa que benefició estos años a miles de families y comercios xixoneses
A 9 meses de la convocatoria y a falta de 1.800 pidiciones por revisar, los fondos disponibles tan esgotaos. De los espedientes resueltos, 2.275, menos de la metá foron favorables, ello ye, que de los cerca de 4.000 solicitantes malpenes mil recibieron la so tarxeta.
De fechu, seique’l plazu de solicitú tuvo abiertu del 6 de Payares al 5 d’Avientu, naide que la presentare depués del 10 de Payares la recibirá, el presupuestu algamó namás pa los 5 primeros díes. Los escluyios entrarien direutamente na viniente tanda, que tendría de convocase el pasáu Xunu, pero non solo nun se convocó sinon que nun ta nidio que se vaiga convocar col nuevu gobiernu.
Natalia González dende la so conceyalía de Bientar Social nun fala claro “Nun digo nin que vaiga siguir esistiendo nin que non”…
Llucía F. Marqués
This work is licensed under a Creative Commons Attribution 4.0 International License.
