La mesma empresa nun tien reparu n’espublizar nos sos autobuses semeyes entá más sanguines coles que se padrocina la Feria de Begoña

L’anunciu d’Anadel contra les corries de toros ye refugáu por ser “endemasiao esplícitu” y nun apaecerá nos autobuses públicos, que sí esibirán nel so esterior el cartelu de la feria taurina de Xixón. La prohibición aporta depués de fechu el pagu de la campaña, col argumentu de que “esta campaña sedría oxetu d’una polémica que nun deseyamos” y dende la empresa, dependiente del Conceyu de Xixón, alvierten “nun espublizaremos temes de calter revindicativu”. Tortura animal, imposición cultural, discriminación illegal y censura… tou ello d’un guelpe nunos autobuses qu’amás son de titularidá pública.

Nel anunciu d’Anadel podía vese “En Agosto Gijón se tiñe de sangre”, acompangáu d’una semeya d’un toreru dando muerte a un toru indefensu, una imaxen real d’una de les sos “feries nacionales”. Endemasiao violento.

Nel cartelu de la Feria de Xixón, que circulará impunemente peles cais de la ciodá, apaez el toru lliteralmente bañáu en sangre cola lleenda “pasión por lo auténtico”. Nun ven violencia ehí. Nin ven violencia na feria mesma. Namás na denuncia pública d’esa violencia ven (valga la redundancia) violencia. De frenopáticu.

Eso si, hai que dar un tirón d’oreyes a Anadel por nun utilizar la toponimia oficial de Xixón.

Llucía F. Marqués

This work is licensed under a Creative Commons Attribution 4.0 International License.