El cartelu d’esta edición de la Fiesta de la Sidra Natural de Xixón, tradicionalmente escritu n’asturianu, nun respeta siquiera la toponimia oficial
Cartelu del 2018
La Fiesta de la Sidra Natural de Xixón vien de presentar el cartelu de la so 28 edición, que va cellebrase del 19 al 25 d’Agostu. La obra, de la diseñadora gráfica xixonesa Noelia Pañeda, a dos collores, ye un diseñu de corte simétricu ya esquemáticu con dellos ellementos venceyaos a la sidre (mazanes, corchos, botelles, vasos, sacacorchos, pumares) pero ensin dala referencia gráfica a Xixón. Esti cartelu va anunciar el certame nes sidreríes asturianes, en soportes de mobiliariu urbanu, anuncios en revistes y diarios y en dellos perfiles de redes sociales.
Nos sos testos, el cartelu nun solo nun utiliza la llingua asturiana, como vien siendo vezu nos cartelos d’ediciones anteriores, sinón que nin tan siquier respeta la toponimia oficial de Xixón.
Teniendo en cuenta qu’esti sosprendente pasu atrás nos drechos llingüísticos algamaos tien llugar pocu depués de la entrada del PSOE nel gobiernu de la ciodá, ya hai voces que ven nesti retrocesu una amuesa de lo que va pasar en Xixon cola llingua asturiana tres del cambeu de gobiernu.
Llucía F. Marqués
This work is licensed under a Creative Commons Attribution 4.0 International License.
