Bendueños declaráu Bien d’Interés Cultural

  • 4 Xunetu, 2019

El santuariu de Bendueños, allugáu na parroquia d’Erias, nel conceyu de L.lena, vien de ser declaráu Bien d’Interés Cultural (BIC), polo que gociará d’especial proteición

Bendueños, una de les paraes más frecuentaes nel Camín de Santiagu, ye un santuariu d’estilu góticu que foi costruyíu sobre los cimientos d’una ermita anterior del medievu tardíu, qu’al tiempu foi edificada sobre un primitivu templu prerrománicu que, acordies la tradición popular, ocupó’l llugar d’un templu al dios Vindus. A lo llargo los años, al santuariu foron añadiéndose-y otres partes, comu la sacristía, capiyes collaterales, el campanariu o la Casa de la Confradía ya’l Camarín, del sieglu XVIII ya estilu renacentista tardíu. La declaración algama tamién la Casa de novenes o albergue de pelegrinos, con una construcción qu’empezó nel sieglu XV y que s’alcuentra ente’l templu.

La declaración del conxuntu monumental de Bendueños comu Bien d’Interés Cultural por parte’l Gobiernu d’Asturies implica que darréu tendrá d’afitase una estratexa de proteición pa la so conservación.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies