• Portada
  • >
  • Asturies
  • >
  • Andanza de xubíes salariales pa los conceyales asturianos

Andanza de xubíes salariales pa los conceyales asturianos

  • 27 Xunu, 2019

Independientemente de la xestión municipal que desendolquen a lo llargo la llexisllatura, dellos alcaldes asturianos, ensin desemeyanza pente “socialistes” y “populares” ya dexaron nidio cuales son les sos prioridaes, y non, nun ye’l bientar de los sos ciudadanos

Toos sabemos que na difícil situación na que s’alcuentra Asturies ye urxente la toma de midíes rápides y contundentes que meyoren la calidá de vida y frenen la despoblación, asina que recién compuestos los grupos de gobiernu los conceyos entamen a poner en marcha soluciones pa los problemas más urxentes: subise a si mesmos el salariu

El primer casu en salir a la prensa foi el de Xixón, conceyu con 272.000 moraores, con mayoría dafechu del PSOE y onde finalmente sí s’aprebaren les xubíes salariales tantu pa l’alcaldesa -de 65.000 a 68.000 euros- comu pa los ediles de 53.073 a 58.000 euros-.

El caberu en conocese foi el de Piloña, 7.000 vecinos y mayoría dafechu del PSOE. Caltendrá cuatro lliberaciones y xubirá’l sueldu de los sos conceyales, de tala mena que l’alcalde percibirá 40.000 € brutos, lo qu’implica un incrementu de cerca’l 3% en comparanza col mandatu anterior, y los sos ediles 16.000 €, un 10% más.

En Cangues d’Onis tampocu se queden curtios, seique nesti casu la mayoría ye dafechu del PP. La xestión de pocu más de 4.000 cangueses xustifiquen un salariu que xube na menos qu’un 20%, pasando de los 31.500 a los 39.500, na llende de lo permitío pa conceyos de menos de 5.000 persones. La teniente d’alcalde cobrará 36.000 euros.

N’Uviéu dan exemplu, comu capital que son, xubiéndose 8.000 € brutos al añu pa los conceyales del gobiernu -PP-, un salariu qu’al final queda en 52.000 € y 4.000 pa los sos collacios de coallición de C’s -48.000€- pero calteniendo ensin un céntimu más los sueldos de la oposición, que se caltienen en 44.000 €. En total el coste en sueldos añales de la Corporación elevaríase con respeutu al mandatu pasáu en 168.000 euros, pasando de los 704.000 euros en global a los 872.000 euros, pero garantizando que nin un euru d’esos 168.000 estras aporte a la oposición, o más bien a la contra, ya que habrá una considerable mengua nes asignaciones por partíu.

Llucía F. Marqués

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies