Travesía del Cordal Cantábricu

  • 18 Xunu, 2019

Una prestosa y perinteresante propuesta pa la mocedá que quiera conocer Asturies en tolos sos aspeutos: xeográficos, climáticos, flora y fauna, xeolóxicos ecoloxicos, historicos, etnográficos …. trece díes percorriendo’l Cordal en comuña con dalgunos de los más espertos guies de montaña del país

La propuesta parte del grupu montaña Torrecerredo y ye de les poques actividaes braniegues enfocaes nesi marxe d’edá –pente 14 y 26 años-. Sicasí, la so mayor pecularidá reside n’acomuñar l’arruelu col deprendizaxe direutu: van  percorrer la muralla que separa Asturies del restu’l mundiu, dormir debaxu la puerta, na Col.la Propinde. Depués de percorrer durante 3 díes el frente de Tarna-San Isidro (fastera na qu’entá ye avezao topar bales) verán les puertes de serviciu, Payares ya’l Negrón y conocerán la trasumancia de Castiella poles Ubiñes y Somiéu, dica’l camín de la mesa.
Amás de la xeografía y la hestoria qu’esti ambiciosu percorríu lleva implícito, deprenderán a identificar pol so nome animales, plantes y minerales, conocerán tradiciones, toponimia, téuniques de montaña y seguridá, climatoloxía, curiosidaes… pero non solo va ser deprender. L’envís ye crear pente los participantes un marcu d’interación que permita a caún compartir los sos conocimientos ya inquietudes, medrando en comuña.

La actividá, que suma un total de 160 km y pente 40 y 78 cumes posibles, desendolcaráse del 7 al 19 de Xunetu y demientres tola travesía dirán guiaos por espertos guíes de montaña ya intérpretes del mediu natural de la montaña Cantábrica. Fadrán nueche n’abellugos o campamentu itinerante, con apoyu de carretera. Pa más información, visitar la web del grupu montaña Torrecerredo.

Redaición InfoAsturies

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies