La Dellegación de Gobiernu entá nun dio desplicaciones de la cuelma recibía pol profesor d’hestoria, nin tomó dala midía al respeutu

Cúmplense dos meses dende qu’un profesor de la Universidá d’Uviéu llevare una cuelma por un militante de VOX, col animosu sofitu de la policía, nes escaleres mesmes de la Universidá d’Uviéu. Los fechos son fáciles de prebar y la collaboración ente la policía y la organización ultraespañolista Vox nel ataque ye inñegable, una y bones se cuenta con un vidiu de los fechos. Nelli pue vese con claridá comu militantes ataquen y escuerren a delles persones pel esterior del edificiu universitariu y cómu, cuando’l docente cai embaxo, ye golpeáu y pataleáu al tiempu por un militante de VOX y un policía. El profesor d’Hestoria resulto feríu na tiesta, na pata, nel bandullu y nel llombu, teniendo que recibir dellos puntos de sutura nel hospital; dellos estudiantes foron tamién golpeaos, al ser atacaos pola policía cuando intentaben averase a atender al feríu.

This work is licensed under a Creative Commons Attribution 4.0 International License.