• Portada
  • >
  • Asturies
  • >
  • Andecha Astur pidi la dimisión de Delia Losa polos fechos violentos protagonizaos pola policía y VOX na Universidá d’Uviéu

Andecha Astur pidi la dimisión de Delia Losa polos fechos violentos protagonizaos pola policía y VOX na Universidá d’Uviéu

  • 13 Abril, 2019

La formación asturiana considera demostrá la collaboración represora ente la policía del PSOE y Vox tres del ataque conxuntu na Universidá d’Uviéu nel qu’un profesor d’Hestoria resulto feríu y dellos estudiantes golpeaos

Pa la formación asturiana, estos fechos faen inaplazable la dimisión de la Dellegada del Gobiernu español n’Asturies, la militante del PSOE Delia Losa. Cuandu Vox anunció que la so peculiar reconquista d’España diba entamar n’Asturies nun desplicó que lo diba facer apalizando asturianos a comuña cola Policía española que dirixe’l PSOE”.

Los estudiantes que foron testigos de los fechos cunten que, anantes de la golpiza al profesor, militantes de la organización ultraespañolista VOX persiguieren y atacaren a delles persones, siendo’l docente’l que careció más agresiones, al sumase la policía a golpealu una y bones taba embaxo. Comu consecuencia foi hospitalizáu por fería na tiesta, pola que-y punxeron 5 grapes, una contusión de gravedá na pata y delles contusiones en bandullu y llombu. Denuncien tamién que tres de los fechos la policía torgó l’asistencia al feríu, cargando contra les persones que facíen por averase a atendelu y que nun apararon na so actitú agresiva dica decatase de que nun yera un estudiante, sinon un profesor.

Andecha Astur creye que nun hai desplicaciones oficiales que puean valir nesti casu, polo que desixe la dimisión darréu de la persona direutamente responsable de la policía del “Principado”, ello ye, la delegada de gobiernu español n’Asturies Delia  Losa y solidarízase col profesor asturianu que, xunto con una parte de la comunidá universitaria, protestaba escontra la presencia de la ultradrecha española n’Uviéu “deseyándo-y una pronta recuperanza de les graves llesiones que-y prevocaron”.

Amás de los altercaos na Universidá, la campaña de VOX ta dexando tres de si una riestra d’agresiones y violencia que naide pon medios pa torgar. Asina, na nueche del 10 al 11 d’Abril dos mozos foron victimes d’una agresión por parte de siete homes que taben faciendo una pegada de VOX y na mesma nueche rexistráronse agresiones machistes a delles moces por parte de los mesmos ultraderechistes. Esi riscar foron estrozaos los murales del Espaciu la Llegra ya’l cascu urbanu d’Uviéu alboreció estráu de pintaes d’esvástiques y “Arriba España” al par de pegadielles y carteles de VOX, fechu que’n toa Europa se consideraría delitu grave pero que n’España s’almite con normalidá.

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies