Bimenes acueye esti fin de selmana la trenta edición de la Feria Caballar de Recimuru, que marca l’entamu del calendariu braniegu yerbatu

Como novedá y pa comemorar esti 30 cabudañu, el sábadu tendrá llugar una carrera de cintes en moto, versión modernizada de la tradicional carrera de cintes a caballu que se cellebrará na tardi’l domingu. Amás, podrá vese en direutu una demostración de doma de caballos, a les 18:30 na campera que fae de recintu ferial.

El certame ganaeru entamará’l domingu a les diez de la mañana. La sesión vermú tará acompangada de música’l país y  al mediudíe l’Asocación Asgaya Party, coorganizadora del eventu, ufrirá un menú con corderu a la estaca que sedrá preciso reservar anantes del xueves 13; pa la xinta habrá carpa, por si’l tiempu nun acompanga, na campera del Recimuru. Ya pela tardi cellebraráse la tradicional carrera de Cintes a Caballu.

Vítor M. Cortés

This work is licensed under a Creative Commons Attribution 4.0 International License.