La Plataforma de trabayadores de CD y CRAD denuncien a UXT, CCOO y USO

  • 10 Xunu, 2019

La plataforma denuncia’l retrasu de los sindicatos al cursar la so demanda y remembra que lleven dos años ensin meyora de salariu nin seguridá xurídica

Nel mes d’Ochobre los trabayadores votaron presentar una demanda, reclamando los drechos alcordaos nel conveniu estatal.De magar entós los retrasos y los errores de xestión llevaron a la so práutica paralización, y ocho meses depués la demanda sigui ensin ser correchamente presentada.

USO foi l’únicu de los tres sindicatos que treslladó a Madrí les demandes de los trabayadores de los Cientros de Día; ellí, tres de dellos díes aconceyando con UGT y CCOO a nivel estatal, preséntase nel muérganu de mediación de conflictos, quedando refugada por erros na presentación del recursu. La demanda torna p’Asturies, cola consecuente perda de tiempu, pero nun ye dica’l mes de Marzu cuando se mete la demanda nel SASEC d’Asturies, siendo necesaria la presión de los afiliaos/es de los sindicatos pa que se cellebre finalmente, un mes más tarde, el conceyu coles empreses.

Comu los  y les trabayadores ya teníen nidio dende un entamu, Clece,Eulen, Aralia y Gerusia, nun quieren negociar y nun atienden a les demandes de los trabayadores, que reclamen cobrar acordies el conveniu nacional y cuntar con una seguridá xurídica acordies a la so situación. Anguañu lleven dos años col salariu xeláu y a mercé de les empreses.
Cuasi a mediaos de Xunu, la demanda sigui ensin interponese y los tres sindicatos continuen ensin mover ficha daqué que dende la plataforma, firmes defensores del sindicalismu comu única forma de lluchar polos porgüeyos de los trabayadores, nun pescancien “al fin y al cabu somos clas obrera, la mesma que tienen que representar n’empreses comu Alcoa”.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies