La tradicional Feriona canguesa de Corao acoyó a 3.000 animales y 15.000 persones, nuna amuesa de la vitalidá y les posibilidaes de la ganadería asturiana

El 90% del ganao qu’aportó a la feria foi vendíu en precios que diben dende los 150 euros colos que se pudieron mercar corderos y ponis a los 3.050 € que llegó a costar dalguna vaca de los valles con cría o al preciu másimu de 6.800 por una pareya de gües. La oferta pasaba por estremaes races de vaques, caballos, oveyes, burros y perros (mastines), amás de dellos puestos de material agrícola y ganaero, de productos gastronómicos -quesos, miel, embutios, pan, tartes, fruta…-  y d’antigüedaes.

Amás de los asturianos, nos negocios participaron tratantes de Galicia, Cantabria, País Vasco, Navarra, Castilla y Lleón, Madrí, Castiella-La Mancha, Estremadura, Francia y Holanda, con un volumen de ventes superior a los tres millones d’euros.

Vítor M. Cortés

This work is licensed under a Creative Commons Attribution 4.0 International License.