La falacia del votu útil ¿Útil pa quién?

  • 15 Mayu, 2019

 ¿Pa quién ye útil el votu útil?

   Ana Fernández

Útil pa sacar alantre una costitución, la del 78, que mos cargo con una monarquía entantu “perdonaba” los asesinatos y robos de los franquistes a cambiu de lliberar los presos políticos del momentu ¿? Entos la utilidá yera: o constitución o dictaura. Finalmente quedaron les dos. Fue’l votu del miéu.

Útil pa caltener nel poder los dos partios herederos del franquismu. Ello ye, el PP de dreches dafechu, y el PsoE de dreches nos fechos. 40 años que siguieron y nos que’l votu útil fue’l votu’l castigu; entantu perdimos drechos llaborales y llibertaes, privatizando lo privatizable y esfarrapando la sanidá ya la educación col fin de facela dafechu privá.

El votu útil más reciente, el votu’l miéu otra vegada. “Qué torna’l facismu, que bien la drecha recalcitrante de vox”. Drecha que, per otru lláu siempres tuvo equi, agazapá, disimulando … consecuencies del chanchuyu de la costitución del 78. Asina perdimos cualquier oportunidá de cambiu y tenemos nel gobiernu d’España más de lo mesmo. Y anguañu el votu útil que mos quieren vender ye’l de la esperanza ciega y la fe.

Si fe, porque fe ye creyer no que nun se vio. Creyer que los mesmos que fasta agora tuvieron a la escontra la nuesa llingua, que ficieron to lo posible por desaniciala xunto cola cultura Asturiana de sópitu esmolecense por ella Y …tan dispuestos a concedemos el gran favor de facela oficial. Escaezamonos que esto, la oficialidá del asturianu, ye un drechu que la llamentable costitucion del 78 nos otorga nel articulu 3 a tolos pueblos con llingua propia. Escaezamonos tamién de que fae 38 años ficiéronmos dir, ensin permitimos votalo, como autonomía de segunda clas, esto ye non hestorica, a la contra de cualquier cuestión lloxica y/o hestórica. Escaezamos les décades d’ataques al asturianu y la desidia acumulá…

Non señores, el votu útil, útil de verdá ye’l que se da dende la reflesión y l’analis de la rialidá, de los fechos, en conciencia y en bas a unes promeses elleutorales que deberien ser d’obligáu cumplimientu, ya que lo contrario ye nidiamente un engañu aposta.

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies