L’ALLA ye la istitución estatutariamente responsable de facer cumplir los drechos llingüísticos del Pueblu Asturianu

La selmana pasada, Andecha Astur aconceyó cola Academia de la Llingua Asturiana por mor de los fechos represivos protagonizaos pola Xunta Elleutoral Provincial na pasada campaña elleutoral. Nesi conceyu, informóse a los academicos del incumplimientu de la Xunta Elleutoral Provincial -XEP- de la sentencia’l Tribunal Costitucional que ganó Andecha Astur nel 2000 sobro l’usu del asturianu nes elleiciones y que fasta agora venía siendo respetada. Comu rempuesta a esta demanda de proteición, l’ALLA remitió a la Xunta Elleutoral un escritu nel que yos recuerda’l mandatu estatutariu de mirar polos drechos llingüísticos de los asturianos.

Nelli, encamienta oficialmente a la Xunta Elleutoral Provincial que faiga los mandaos afayaízos pa qu’esta situación d’anormalidá pa col asturianu se corrixa urxentemente y que se garantice l’acoyía de los escritos na nuesa llingua, torgando asina les discriminaciones que vienen careciendo los falantes ca vegada que la quien usar nos procesos elleutorales.

De la mesma, sigún desixía Andecha Astur nel documentu refugáu, encamienten a la Xunta Elleutoral Provincial que garantice con procuru nos colexos elleutorales la validez de les papeletes impreses en llingua asturiana y dea conocencia a los asturianos y asturianes de la posibilidá de votar na so llingua, seique por agora namás que se puede votar n’asturianu a esti partíu, amosando la incongruencia del restu de partios que dicen defender la llingua pero nun la usen.

En convocatories anteriores l’usu de papeletes n’asturianu supunxo la illegal retirada de les mesmes ya invalidación de votos en dellos colexos elleutorales.

Llucía F. Marqués

This work is licensed under a Creative Commons Attribution 4.0 International License.