Alternativa Verde por Asturies reclama que se d’a conocer el padremuñu del rei d’España como amuesa de democracia y trasparencia
“Conocemos el padremuñu del presidente del gobiernu, del presidente d’Asturies o de les alcaldeses d’Avilés o Xixón. Avancemos en tresparencia y conocemos el padremuñu y los ingresos de tolos cargos públicos. Amás tolos cargos públicos, dende’l conceyal del conceyu más pequenu, hasta’l presidente del gobiernu, tol mundu paga l’impuestu de la renta. Sicasí, la xefatura del estáu nun declara cúal ye’l so padremuñu . Nun ye conocíu que tea pagando impuestos por ello nin poles sos rentes. Esto ye claramente una anomalía democrática. Crea una esceición llegal para un ciudadanu ensin dengún tipu de xustificación”.
Amás, dientro de la so campaña pola república, convocaron un concursu d’idegues sobro cómo costruyir una república moderna qu’ayude a construyir una sociedá meyor y realizaron una consulta a delles persones del mundiu universitariu del drechu p’aidar a costruyir les sos propuestes polítiques nesta tema.
Redaición InfoAsturies
This work is licensed under a Creative Commons Attribution 4.0 International License.
