Tolos asturianos tan convidaos a baillar en Candás, dientro les actividaes pa calecer motores anantes de la marcha convocada pola Xunta pola Defensa de la Llingua Asturiana pola Oficialidá pal prósimu sábadu 6 d’Abril en Xixón

Esti sábadu 16 de Marzu tendrá llugar una xornada de baille’l país na Plaza la Baragaña, en Candás, de magar el mediu díe. Cualisquiera puede participar nel baille, ensin ser preciso tener conocimientos previos.

Esta actividá vien enartada na campaña d’espardimientu de la convocatoria fecha pola Xunta Pola Defensa la Llingua Asturiana, pa manifestase en desixencia del reconocimientu del estatus d’oficial pa la llingua. Nesti manifestamientu, que sedrá’n Xixón, espéra repetise o superase l’ésitu de convocatoria del 21 d’abril del añu pasáu, cuando s’aconceyaron más de 25.000 presones reclamando esti drechu. Les esperances que surdieron n’aquel intre de que’l gobiernu del “Principado” nun podía dexar de sentir el clamor de los asturianos viéronse truncaes darréu ante la falta de determín de los partíos que tienen na so man la declaración d’Oficialidá, pero que se conformen con declaraciones ermes y semeyes pa la galería.

La recuperación de los bailles tradicionales comu elementu d’arruelu ya incluso comu actu revindicativu, y non solo d’esibición, ta teniendo un puxu perimportante nos caberos años, de magar les cellebraciones de la Nueche en Danza que percuerren el país cola música y bailles asturianos.

Nuria Prendes

This work is licensed under a Creative Commons Attribution 4.0 International License.