Oficialida ¡Darréu!

  • 22 Abril, 2018

L’hestóricu manifestamientu, nel que más de venticincumil asturianos revindicaron un estatus llegal que respete los drechos llingüísticos del nuesu pueblu, foi recoyíu por abondos medios de comunicación, tanto del país comu foriatos

Son munchos los que consideren que’l díi d’ayeri supón un puntu d’inflesión, marcando un anantes ya un depués nes reivindicaciones llingüístiques que’l “Principado” nun puede siguir inorando. La convocatoria ya fore un ésitu nes selmanes anteriores a la mesma, al algamar el sofitu esplícitu de delles entidaes que fasta agora se calteníen al marxe o lluchaben nel bandu contrariu y con decenes d’organizaciones sumándose, en munchos casos por primer vegada, a la vieya llucha pola Oficialidá qu’entamara Conceyu Bable’l sieglu pasáu.

La cai Uría tornada nuna marea de música y asturines y los asturianos a una sola voz con una desixencia clara, cenciella y dende cualisquier mira xusta: la reconocencia comu tal d’una llingua de sieglos, recoyida pola mesma UNESCO y la X.E como idioma minorizáu, pero que sigui viva y puxante depués de tantos años de xabaz represión.

El díe depués el mundiu recueye la desixencia d’Oficialidá nos sos titulares y Asturies caltién l’aliendu, n’espera d’una reación oficial a la demanda del pueblu asturianu. Entantu, vamos caleciendo motores pal Díi les Lletres.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies