Los bastiazos nun frenen la contaminación

  • 31 Xaneiro, 2019

Les midiciones de contaminantes en Xixón, Avilés y sobro tou, n’Uviéu, tornen a ser mui perriba de lo recomendable pa la salú, pesi a les lluvies

El diluviu de los caberos díes llevó per delantre vies, cientos de carreteres, árboles y pontes, pero nun foi abondo pa finar cola contaminación atmosférica del cientru d’Asturies.

Acordies a los datos oficiales, apurrios pol Gobiernu del “Principado” na so web, Trubia presentaba una media a les 24 hores de  6,5 µg/mcon un picu de 16 µg/m3, , picu rexistráu al tiempu na estación de Ventanielles, a 14 km de distancia, lo qu’indica un área d’afeutación importante. Estos datos contrasten fuertemente colo recomendao pola OMS, pa la que’l valor de referencia ta en 1,7 µg/m3 de media, superando tamien la tolerante normativa española que permite fasta los 5 µg/m3.

La comisión Europea recomienda un valor de 0 pa esti contaminante, que nin siquiera ta incluyíu nel protocolu de contaminación del “Principado”, pesi a sabese que la esposición escesiva al benceno ye perxudicial pal sistema inmunitariu, aumentando les probabilidaes de contraer infeciones y amenorgando les defenses del cuerpu contra’l cáncanu. La reciella ye, xunto coles muyeres preñaes, los enfermos y los vieyos, la población más vulnerable a los sos efeutos.

Los datos ufrios oficialmente, sigún denuncien dende la Coordinadora Ecoloxista d’Asturies, proceden namás de los recoyíos poles úniques 22 estaciones que reconoz el “Principado”, allugaes por ellos mesmos nos puntos de menor contaminación, refugándose los datos apurrios poles otres 45 estaciones publico/privaes, de les que nun apurren datos en continuo y que dan valores más altos.

Redaición InfoAsturies

 

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies