Adios al Parque l’Arbeyal

  • 31 Xineru, 2019

La especulación urbanística llévase una de les zones verdis más utilizaes polos vecinos de la fastera Oeste de Xixón, nuna ciodá con 17.000 viviendes vacies

Les emblemátiques palmeres de L’Arbeyal ya nun miren pa la mar: arrincáronles pa dar aniciu a unes obres que nin los vecinos quieren nin son necesaries. Continuando cola llabor d’urbanización de la fastera, que ya llevó per delantre delles naves industriales en furrulamientu, dexando decenes de trabayaores na cai y zarrando empreses, el plan sigui alantre ensin que la oposición de los vecinos cuente.

El descontrol urbanísticu de Xixón, una ciodá que pierde población añalmente y que tien vacies el 13% de les sos 147.149 viviendes, tien puesta la mirada nos barrios del Oeste, tradicionalmente obreros pero que ven menaciada la so forma de vida pola invasión d’un nuevu urbanismu venceyáu a clases más altes. Exemplu d’ello son los nuevos edificios d’altu standing en L’arbeyal, la sustitución del parque por una zona pavimentada, planes pa la costrución d’una torre de 14 pisos nel Cerilleru (Horizon) y la entrada nel barriu de nueves cadenes de comida rápida.

Nun ye namás una cuestión de perda d’espacios comunes y de dañu estéticu: los vecinos temen que se de en Xixón un procesu de “xentrificación”, fenómenu ya conocíu en ciudaes grandes comu Madrid o Barcelona, ello ye, esmolezyos que l’espoxigue de costruciones venceyaes a estilos de vida de mayor poder alquisitivu xeneren a mediu plazu un xorrecimientu de los precios nel barriu (viviendes y suministros) inasumible pa munchos.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies