El seminariu d’autodefensa pa muyeres ufiertáu por Krav Magá Xixón recibe tantes iscripciones que tien de treslladase al pabellón cientral de la Feria Internacional de Muestres
Les muyeres tenemos miéu. Ye de xacíu, con siete asesinaes n’España en namás 17 díes d’añu y decenes de denuncies por violaciones, malos tratos y abusos apinándose nes comisaries asturianes. Tamos ateyabana, y sabémoslo, asina qu’ante la situación d’indefensión, lo primero ye deprender a defendemos nosotres mesmes.
Nesi sen, decenes de cursinos d’autodefensa lleven meses percorriendo colexos, asociaciones d’ames de casa y de vecinos, con bultable aceitación por parte de muyeres de toles edaes y condiciones físiques. Ya a finales de 2.017 un taller “antiviolación” aconceyaba a más de 300 muyeres El caberu, un seminariu d’autodefensa pa muyeres, propuestu por Krav Magá Xixón, de baldre, pal domingu 27 de Xineru, tuvo tal sonadía qu’a piques tuvieron de nun lu poder facer, polo menos non con toles muyeres que lu solicitaren, por falta d’espaciu. Dengún xinasiu o polideportivu yera grande abondo pa contener les ganes de defendese de cientos d’asturianes. Por suerte, a la fin el Conceyu Xixón decidió facilitar pa tal fin l’usu del Pabellón Cientral de la Feria de Muestres d’Asturies, de 6.500 metros cuadraos.
Que valga d’avisu a futuribles agresores. Les xixoneses van defendese.
Llucía F. Marqués
This work is licensed under a Creative Commons Attribution 4.0 International License.
