El globu, que lleva la marca de Xixón, va ganando tres de los cuatro campionatos a los que va presentándose
Esti fin de selmana celebróse’l campeonatu de globos “Villa de Aranjuez” 2018. Dende’l vienres pela mañana hasta’l domingu realizaronse 4 vuelos de competición nos que participó’l globu de Xixón, pilotáu por Jorge Iglesias, siendo’l ganador del campeonatu.
Va dos selmanes realizóse la primer regata de globos de Vitoria, na que tamién resultó ganador Jorge Iglesias Cabal a bordu del globu que representa a la nuesa ciudá, lo mesmo que na Regata de Segovia y la d’Aranjuez. Nel Campionatu d’España quedó en sestu puestu y na Regata de Xixón nun puntuó por pertenecer a la organización del eventu. Amás, participó nos vuelos d’esibición d’Estella y Pamplona.
Según un alcuerdu robláu ente Divertia Gijón y Volar n’Asturies, el globu va llevar la imaxe de Xixón de xineru de 2018 a avientu de 2020 a dellos festivales y competiciones nel estranxeru. El patrociniu desixe, como mínimu, la presencia del globu en seis festivales o competiciones al añu, ente los que han d’incluyise’l Campionatu d’España d’Aerostación y la Copa del Rei d’Aerostación.
Nuria Prendes
This work is licensed under a Creative Commons Attribution 4.0 International License.
