De magar el 31 d’agostu y dica’l 6 de setiembre Xixón ufre una riestra de conciertos clásicos de baldre na Plaza’l Marqués

La programación estival enllenará por segundu añu la plaza’l Marqués de música Clásico, con siete conciertos de dalgunos de los autores más conocíos del clasicismo (Mozart, Tchaikovski, Vivaldi, Bocherinni, J.S. Bach…) gracies a una iniciativa puesta en marcha por primer vegada nel 2017 polos direutores y conductores del programa qu’emite Radio Kras (105 FM) “Kras Klásika”, Enrique Valcarce y David Roldán.

Los conciertos entamarán a les 20.30 hores (menos el del sábadu 1 de Setiembre, cuando’l coru de reciella actuará a la una, en sesión vermú).

L’eventu ye posible gracies al padrociniu de numberosos collaboradores, venceyaos principalmente -pero non solo- a la hostelerían xixonesa.

Redaición InfoAsturies

This work is licensed under a Creative Commons Attribution 4.0 International License.