Les agües residuales siguin vertiéndose na sablera de Poo

  • 30 Agostu, 2018

Coles caberes lluvies del branu les agües residuales rebosaron les dos arquetes del sistema de la estación de bombeo, desembocando direutamente na playa

La de Poo ye considerada una de les playes más guapes d’Europa, pero’l deficiente sistema de saneamientu permite que se vea contaminada d’avezu por agües residuales ensin tratar.

El sistema de saneamientu de Llanes, como los del restu de concejos costeros asturianos afeutaos pol turismu masivu y los incrementos de población braniega, presenten un importante déficit d’istalaciones, tanto na capacidá de los coleutores, como na calidá de la depuración, incumpliendo la mayoría de les depuradores les normes vixentes de tratamientu secundariu y terciariu completu.

Nel casu de la sablera de Poo, nella desemboquen ca vegada que llueve les agües puerques de cinco localidaes:  Posada, Lledias, Niembro, Barro y Celorio.

La Coordinadora Ecoloxista d’Asturies denuncia  la falta d’actuación de les alministraciones ante los episodios contaminantes que afeuten  tantu a la salú de los usuarios de les playes comu a la de la flora y fauna marina.

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies