Podemos sofita’l boicot a los quesos asturianos

  • 23 Agosto, 2018

Nes sos redes sociales Podemos ta moviendo una campaña de defensa del llobu, na que se señala a los ganaeros y a los productores de quesu como responsables de les matances de llobos, llamando al boicot escontra’l Cabrales

L’alministración asturiana sigui ensin alcontrar salida a la problemática de los ataques de llobos al ganao y continúa col demostradamente ineficaz sistema de muerte,  encismando a ganaeros y ecoloxistes nun encerriscáu alderique ensin fin nel qu’ambos bandos pierden.

Con esta campaña, Podemos entra de lleno nel alderique, pero ensin pedir responsabilidaes al gobiernu pola xestión del llobu y los sos hábitats, sinon posicionándose escontra los productores asturianos, con un cartelu que llama al boicot del quesu Cabrales -seique un de los quesos qu’apaecen nel mesmu seya Gamonéu-. El cartelu que sofita la formación morao costitúi un claru ataque escontra los ganaderos y queseros y nelli afálase a dexar el consumu d’estos productos tradicionales, basándose en que representen la causa de que se cacen llobos.

Dende Podemos acusen a los queseros de ser los causantes de les polítiques que lleven a la caza d’estos animales, faciendo pelligrar col so boicot el seutor queseru y ganaderu asturianu, ya duramente castigáu por otros munchos problemes y en pelligru d’esaniciu, con tolo que la so desapaición implicaría pa la economía y la población de la montaña asturiana.

Per otru lláu dende Andecha Astur acusen a la conseyería d’infraestructures de  dedícase a enguizar ecoloxistes y ganaeros en cuentes de dar soluciones al problema del llobu: “El Principado usa’l llobu pa tapecer la destruición del texíu agroganaderu nel nuesu país” y afalen a aplicar otra triba de soluciones que respeten al tiempu a la fauna y a la población , como ye l’aplicación de midíes preventives, endemasiao costoses pa ser enfrentaes esclusivamente polos ganaeros, la meyora y control de les indemnizaciones o dalgunes más anovaores como los controles mediante dron, la istalación de señales acústiques que torguen la entrada a los llobos en determinaes fasteres a traviés d’infrasoníos, o la capadura seleutiva de femes que torgue’l xorrecimientu esponencial de la especie, midíes que -pesia cuntar con una fonte específica de financiación al traviés de los fondos europeos- tan siendo obviaes pola alministración asturiana.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies