• Portada
  • >
  • Conceyos
  • >
  • La Xunión de Consumidores alerta d’una posible estafa en Cuideiru

La Xunión de Consumidores alerta d’una posible estafa en Cuideiru

  • 2 Agosto, 2018

Tras rexistrar un casu de venta con intimidación y probable estafa a una persona d’avanzada edá en Cuideru, la Xunión de Consumidores d’Asturies vien de llanzar una alerta a la población pa que ten sollertes cola actuación de los comerciales de Carvi Salud


Según relata l’afeutada, un par de mozos entraron na so casa con actitú intimidatoria y “lliáronla” pa que mercara seis llibros por un importe de 3.000€, pal que venien preparaos con máquina de cobru por tarxeta.

Comu preba de la transación nun dexaron contratu nin documentu de pagu, sinon unicamente la direción de la empresa y los llibros. L’afeutada relata qu’a los 24 díes recibió delles llamaes por parte de los comerciales, cola intención de tornar a la so casa “pa que roblare los papeles de financiación”, a lo que se negó, nun los dexando entrar en casa.

Al nun contar con contratu nin modelu de desistimientu -como estipula obligatorio la llei- presúmeses un plazu de desistimientu a favor del consumidor d’un añu. L’asesoramientu recibíu na Xunión de Consumidores permitio-y unviar un modelu de desistimientu al domiciliu social de la empresa ya interponer la correspondiente denuncia en consumu.

Sicasí, la X.C avisen a la población de los fechos, solicitando que se ponga nel so conocimientu otros posibles casos.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies