La planta foi treslladada dende’l so anterior allugamientu en Vizcaya, onde se precintó por motivos de salú, pero entá nun cuenta colos correspondientes permisos

Anque oficialmente entá nun ta en marcha, cuidao que escarez de llicencia municipal y autorización ambiental, los ecoloxistes denuncien que se tán desenvolviendo actividaes llaborales -non de caltenimientu- nel que se va convertir nel mayor Centru de Tratamientu y Almacenamientu de Borrafes Siderúrxiques y otres del norte peninsular, que preve traer d’España tonelaes de basoria pa la so xestión y tratamientu.
El movimientu de maquinaria y los conteneores de borrafes na nave y parcela d’al par medró bultablemente desque a la empresa concesionaria, Hierros y Metales Gutram S.L, precintáron-y, por illegales, les istalaciones que teníen n’Ortuella,  en Vizcaya, onde tamién operaben ensin permisos y onde atropen denuncies por irregularidaes nes istalaciones y por captación illegal y arramaos non autorizaos.
De perfacese el proyeutu propuestu, xestionaríense ellí miles de tonelaes de borrafes siderúrxiques, n’una zona habitada y con delles istalaciones hoteleres que se veríen darréu perxudicaes cola acumulación de residuos.

Nuria Prendes

This work is licensed under a Creative Commons Attribution 4.0 International License.