• Portada
  • >
  • Conceyos
  • >
  • Conceyu Abiertu por Noreña propón integrar aspectos sociales y medioambientales na contratación municipal

Conceyu Abiertu por Noreña propón integrar aspectos sociales y medioambientales na contratación municipal

  • 22 Xunu, 2018

 

Demanden  que s’aplique la “contratación pública responsable social y medioambientalmente” d’acordies cola nueva llei de contratos públicos

La contratación d’obres, servicios, suministros y otres prestaciones pa la consecución de los fines que-y son propios  ye una de les principales actividaes desendolcaes polos poderes públicos. Ésta pue y tien de ser considerada una técnica que dexa consiguir oxetivos sociales, ambientales o d’investigación. Ye por ello que presentamos una moción pa, d’acordies cola normativa europea y la nueva Llei de Contratación nel Sector Públicu instaurar en Noreña la denominada “contratación estratéxica” y la “compra pública responsable”, qu’inclúi la “compra pública social”  y la “compra ético y verde”.

Conceutos como “contratación o compra pública responsable”, entendida como aquella qu’aspira al impulsu y fomentu pol contratu públicu correspondiente d’una mayor responsabilidá ética, social o medioambiental y la “contratación pública verde”, entendida como un procesu pol cual les autoridaes públiques traten d’adquirir mercancíes, servicios y obres con un impactu medioambiental amenorgáu demientres el so ciclu de vida, en comparanza col d’otres cola mesma función primaria que se van adquirir nel so llugar, tienen de ser dafechu incorporaos a la práctica diaria de les alministraciones públiques europees lo cual inclúi lóxicamente a los Conceyos.

Na normativa comunitaria hai una evolución constante,  col oxetivu d’afondar nuna contratación socialmente más responsable, qu’incorpore nos procedimientos de contratación oxetivos específicos de política social, como fomentar la estabilidá y calidá del empléu, la promoción de la igualdá efeutiva ente homes y muyeres, la responsabilidá social de les empreses, les midíes de conciliación de la vida llaboral y familiar, l’insertamientu de persones con diversidá funcional, la proteición del medioambiente, etc. La entrada a valir que se produxo’l 9 de marzu de 2018 de la Llei 9/2017, de 8 de payares, de Contratos del Sector Públicu, abre interesantes víes de trabayu nesti sentíu. En dicha llei señálase que puen incluyise nos contratos públicos considerancies de tipu social, medioambiental y d’innovación y desenvolvimientu, tanto al diseñase los criterios d’axudicación, como criterios cualitativos pa evaluar la meyor relación calidá-preciu, o como condiciones especiales d’execución.

En particular, nel casu de les condiciones especiales d’execución, la Llei impón la obligación d’establecer nel pliegu siquier una de les condiciones especiales d’execución de tipu medioambiental, social o relatives al emplegu qu’especifica, como faer efeutivos los drechos de les persones con discapacidá, contratar un númberu de persones con discapacidá superior, promover l’emplegu de persones con especiales dificultaes d’insertamientu llaboral, esaniciar les desigualdaes ente l’home y la muyer, favoreciendo l’aplicación de midíes que fomenten la igualdá nel trabayu, asina comu la mayor participación de la muyer nel mercáu llaboral y la conciliación del trabayu y la vida familiar, combatir el paru, sobremanera’l xuvenil, el qu’afeta a les muyeres y el de llarga duración; favorecer la formación nel llugar de trabayu, garantizando al tiempu la seguridá y la proteición de la salú nel llugar de trabayu ya’l cumplimientu de los convenios colectivos sectoriales y territoriales aplicables. El marcu normativu encamienta y obliga a les alministraciones públiques a integrar estos preceptos y realizar un esfuerzu por afaese a diseñar y planiar les contrataciones de servicios, suministros y obres con una visión estratéxica. Dende Conceyu Abiertu por Noreña, por aciu esta moción queremos treslladar la necesidá y l’interés d’emplegar les ferramientes y mecanismos qu’ufierta la LCSP 2017 dende l’alministración municipal de Noreña yá que consideramos qu’ello va dir en beneficiu d’una sociedá más xusta y ética y pa ello proponemos una serie d’alcuerdos  empobinaos a materializar y concretar estes práctiques nueves nel ámbitu del Conceyu de Noreña:

  1. Que los órganos de contratación incluyan clausulado de calter social y/o medioambiental en contratos menores incluyendo diches clauses nel espediente afitando l’oxetu, condiciones y especificaciones técniques del contratu en cuestión
  2. Ellaborar una Instrucción d’aplicación compuesta por un catálogu de posibles alternatives, condiciones, criterios o elementos sociales, d’empléu o medioambiente que dexe a los órganos de contratación poder incorporar aquella/s que resulten más convenientes para’l contratu que se trate, curiando d’atender a lo que s’establez nel puntu 4 y d’ellaborar la mesma por aciu un procesu lo más participativo posible y sía que non con un procesu d’información pública.
  3. Afitar los porcentaxes mínimos de reserva del derechu a participar nos procedimientos d’axudicación a Centros Especiales d’Emplegu d’iniciativa social y a empreses d’inserción.
  4. Tener especial sensibilidá coles polítiques d’igualdá, de conciliación de la vida familiar y llaborial y d’accesu al empléu de persones con diversidá funcional y persones con dificultaes pa entrar al mercáu de trabayu asina como cola defensa del medioambiente y l’emplegu de les meyores práctiques posibles a la d’incluyir clausulado de calter social y/o ambiental.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies