Eva Tejedor falará n’Avilés d’un elementu perimportante de nuesu folclor, el ramu asturianu

Dientro’l Programa Añal d’Actividaes de la Lliga Celta d’Asturies cellebraráse’l prósimu vienres 25 de mayu, a les 18:30h, na sala conferencies del palaciu de Vanldecarzana na cai Sol, 2 d’Avilés una charra entitulao El Ramu Asturianu: una visión etnográfica.

El Ramu ye un elementu presente n’abondes folixes asturianes, siendo típica la Puya’l Ramu na que se subasten panes u otros productos que vienen nel mesmu. Eva Tejedor Falaranos del so orixe, la so razón de ser, como, porqué y cuandu s’usa n’Asturies y les cellebraciones a les que ta venceyáu.

La charra va impartila Eva Tejedor, panderetera, docente ya estudiosa l’instrumentu y l’actu sedrá presentáu pol presidente de la Lliga Celta d’Asturies, Fernán Morán, quien asegura que “Amás d’interesante va ser una charra per didáutica y prestosa”.

La entrada ye de baldre fasta completar aforu.

Redaición InfoAsturies

This work is licensed under a Creative Commons Attribution 4.0 International License.