La XV edición d’Espiches Creatives, que se cellebró nel Llagar de Cabueñes, tuvo dedicada a la música rock

Espichados son un garrapiellu de collacios que decidieron va quince años xunir dos coses que yos prestaben: sidra y creatividá. Esi foi l’aniciu d’Espiches Creatives, un eventu que se repite añalmente pero que camuda continuamente de formatu. Nes primeres ediciones l’arte y la creación cientraron los actos de la espicha, que foi pasando por estremaos llagares y a lo llargo los años foron pasando por estremaes temátiques: espicha medieval, de debuxos animaos, terrorífica, de superhéroes…

Esti añu la protagonista indudable foi la música rock, inspiración de los meyores antroxos, de les prebes de la gymkana y de les actuaciones improvisaes de los asistentes.

Lo principal d’esta propuesta ye l’averamientu al mundiu de la sidre dende estremaos ámbetos, toos ellos mui dixebraos de lo que s’aveza considerar “sidrero”, amosando que la sidre ye compatible con infinidá d’ambientes y actividaes.

Redaición InfoAsturies

This work is licensed under a Creative Commons Attribution 4.0 International License.