Estudiu de xentilicios del conceyu Llaviana

  • 20 Febreiro, 2018

El Grupu d’Investigación Histórica de Llaviana pidi colaboración a los vecinos del conceyu pa recoyer datos na investigación que tan desendolcando sobre xentilicios o motes puestos a los moraores de los estremaos pueblos del conceyu

En Llaviana, como en munchos otros conceyos d’Asturies, a les xentes de ca población venceyábaseyos con determinaos animales, rasgos físicos y de comportamiento o mesmo oxetos. El Grupu d’Investigación Histórica de Llaviana, albidrando qu’estos nomatos -especialmente aquellos que tienen un componente animal- pudieren ser reminiscencies d’antiguos vezos tribales entamó un estudiu alrodiu de les relaciones pente animales y la xente del llugar. Col avance l’estudiu descubrieron que munchos de los nomatos escondíen carauterístiques sociales interesantes y rivalidaes pente pueblos, espeyaes en nomatos despeutivos, colo que l’estudiu foi tornándose nuna investigación sociolóxica más fonda.

Seique tienen ya alrodiu de 40 nomatos recoyios -dalgunos enforma perdios, otros entá n’usu- pidin la collaboración ciudadana pa completar  la información, polo qu’animen a la xente del conceyu, especialmente a la de más edá, a completar el viniente llistáu:

Nomatu Animal
Los de la Zrezal: Burros o cornapos
Los d’Infiestu: Magüetos
Los de l’Acebal: Llobos
Los de Ribota: Raposos
Los de Pielgos: Oveyes
Los de la Rebollá: Carneros
Los de Casomera: Carneros (Al.ler)
Los de la Corcia: Corcios
Los de Entralgo: Corzos
Los de Carrio: Cordoveyos
Los de Pelúgano: Mosquitos

Nomatu venceyáu a oxetu
Los de la Cuesta 1: Albardes
Los de la Cuesta 2: Costales
Los de Meruxal: Migueletes
Los de Tiraña: Cuyarapos
Los de Bimenes : Fariñones
Los de Muñera: Fariñones
Los de Llaviana: Quixoles -parte caballería
Los del Condao:Quixoles-parte caballería

Nomatu venceyáu a la ñatura

Los de les Quintanes: Mexacanes
Los de les Bories 1: Argomes
Los de Bimenes : Yerbatos

Nomatos venceyaos a carauterístiques físiques
Los del Condao  – Papuos o Quíxoles
Los de la Sierra: Papuos
Los de Boroñes: Papuos
Los de l’Aldea: Papuos
Los de la Ferrera: Papuos
Los de Soto Llorio: Culorotos
Los de Llaviana: Quíxoles
Nomatu venceyáu a rasgu social
Los de la Pumará: Cabriegos
Los de Rioseco: Coyanes
Los de la Fombermeya: Azaquiles
Los de Llorio: Zurrones ( de zurrar)
Los de Llaviana: Famiones

Nomatu ensin sen conocíu

Los de Ciargüelo: Caldos
Los de Villoria: Chanuos
Los de les Bories: Chanuos
Los de Laviana: Colasos

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies