Amás del puestu d’Asturies, Xixón tamién va cuntar col so propiu espaciu dientro de la decimosétima edición  del congresu de cocineros, que va cellebrase del 22 al 24 de xineru de 2018 en Madrid

El espaciu d’Asturies nesta feria gastronómica presenta una importante variedá de productos de primera calidá y nél podrán tastiase bona parte de los amparaos dientro la marca  ‘Alimentos del Paraísu Natural’, como los quesos Gamonéu, Cabrales, Afuega’l pitu, Casín y Beyos, el choscu de Tinéu, la carne de gochu celta y los chorizos asturianos, la sidra con Denominación d’Orixe y el vinu de Cangas. Pa los más llambiones, marañueles, carajitos, mermelada de quivi ecolóxicu y miel de los montes.

Dellos talleres van completar esta presencia: de cocina con productos asturianos, sobro La Sidra asturiano n’alta restauración o los oricios.

Pela so parte, Xixón  vuelve tar presente per quintu añu en Madrid Fusión, llevando la sidre por bandera de la ciudá,  como correspuende al so postuláu a capital sidrera del mundu. Pa ello, va cuntar con una zona espositiva al serviciu d’empreses del seutor de la gastronomía na primer planta y con un espaciu n’antoxana, onde un escanciador va dar a probar la bébora asturiano y onde se va promocionar l’eventu Xixón de sidre.

Llucía F. Marqués

This work is licensed under a Creative Commons Attribution 4.0 International License.