• Portada
  • >
  • Mundiu
  • >
  • Dixitalizada la revista Punto y Hora de Euskal Herria

Dixitalizada la revista Punto y Hora de Euskal Herria

  • 31 Avientu, 2017

Por fin disponible na rede la colección completa de la yá hestórica revista de la esquierda vasca

El pasáu 21 de payares foi subida a Internet pola Fundación Sancho’l Sabiu, dientro del proyectu Memoria Dixital Vasca, la colección completa d’esta revista, dende la so creación en 1976 hasta la so desapaición en 1990. La revista sufrió dende los sos entamos la represión gubernamental (yá’l so númberu 10 foi secuestráu por un editorial sobro l’amnistía) al empar que la violencia d’una estrema derecha supuestamente desafranada (el 5 d’ochobre de 1977 un atentáu con bomba de la Triple A destruyó la so primer redacción en Pamplona).

Magar la formación d’un Comité asturianu de sofitu a la candidatura de Herri Batasuna pa les elecciones europees de 1987, na revista publicáronse diversos reportaxes sobro’l movimientu d’esquierda nacionalista d’Asturies asina como’l sindicalismu d’esquierda alternativa n’Asturies. Asina foron entrevistaos Juan Manuel Martínez Morala, tanto pola campaña de sofitu a HB como pola so militancia na Corriente Sindical d’Izquierda; Xicu Xabel Díaz Yepes, en rellación al Ensame Nacionalista Astur pero tamién con motivu de la constitución de la primera Unidá Nacionalista Asturiana; Luis Redondo, primer secretariu xeneral de la CSI sobro la diversidá interna d’esti sindicatu; ya Ismael Caldevilla, presidente de la organización cultural ADICA.

J.C.V.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies