Esposición de Semeyes de La Sidra nel C.P. Atalía

27 Payares, 2017

Con motivu de la cellebración del Magüestu , demientres toa esta selmana y fasta’l prósimu díe 30 tan espuestes les semeyes escoyíes como finalistes nel Concursu de Semeyes de la Sidre del añu pasáu

Cola fin d’averar a la reciella a la cultura asturiana, en xeneral, y a la de la sidra, la castaña y la mazana más en particular, la práutica totalidá de los colexos asturianos cellebren a lo llargo del mes de Payares los sos “Magüestos”, cellebraciones nes que, tomando como puntu central la folixa na que se comparte sidre’l duernu con castañes, les escueles faen un repasu a lo más tradicional de la nuesa cultura.

Esti añu nel C.P. Atalía, amás del magüestu propiamente dichu –que cuntó incluso cola so propia mayada de sidre, a cargu de los Sidrocoles- los escolinos pudieron esfrutar d’una prestosa esposición de semeyes venceyaes a la mazana y la sidre, concretamente les venti que resultaron finalistes nel Concursu de Semeyes de la Sidre nel 2.016 y que dende entos vienen viaxando n’esposiciones por chigres, cases de cultura, sedes d’asociaciones y agora tamién, colexos.