Protesta de los collecheros de mazana

  • 6 Payares, 2017

La Economía Identitaria ye la rempuesta a la destrucción del texíu sociu-económicu asturianu. “Vendéi la sidra a quien compráis les mazanes” Reclamen los collecheros

Los llagareros asturianos merquen mazana a Francia, Chequia y Eslovaquia, demientres les pumaraes asturianes ven la fruta cayer y podrecer ensin compraores. Por supuesto, la calidá de la mazana foriata, como se ve na semeya –pañada con maquinaria, ensin escoyer, machacada, puerca y cocía depués del llargu viaxe en camión- dista muncho de la que pueden ufrir les pumaraes asturianes, pañaes a man, escoyíes, llevaes direutamente al llagar y de les variedaes afayaices.

 

Sicasí, son munchos los llagareros que prefieren aforrar en costes mercando mazana foriata y abondos tamíen los sidreros que prefieren aforrar unos céntimos na botella sidre, non escoyendo la D.Orixe Sidre d’Asturies. Unos aforros que mos salen caro a toos: el sector sidreru ye un pegollu importante na cultura y la economía asturiana, abarcando agricultura, produción ya hostelería.

P’Andecha Astur, el problema de fondo ta na falta d’una sentíu identitariu de la  economía que permita comprender que na rede socio económica asturiana, si falla un nuedu, cayemos toos.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies