Magar de lo recientes atentaos el Reinu d’España siguirá vendiendo armes al principal Estáu wahabita
El Reinu d’Arabia Saudí nun ye namás el llugar d’orixe del wahabismu, una desviación fundamentalista de la relixón islámica, sinon que ye l’Estaáu que más sofita la so espansión per tol mundiu, creando una base potencial pa organizaciones integristes.
Nna sesión de la Comisión de Defensa del madrilanu Congresu de los Diputaos por mor de les constantes violaciones de los Drechos Humanos d’esi Estáu foi plantegada una votación sobre si continuar o no vendiendo-y armes dende’l Reinu d’España. Unidos Podemos, PDCat y ERC votaron a favor del fin de les esportaciones, el PNV optó pola astención, mientres que PSOE, PP y Ciudadanos votaban a la escontra.
Anguaño l’Estado español ye’l tercer mayor proveedor de material militar de la dictadura saudí, namás por detrás de Estados Uníos y Reino Uníu, con unes esportaciones d’armes que superaron los 1.360 millones d’euros ente 2013 y 2016, esto ye, 26 veces más que nel trieniu anterior (2009-2012).
This work is licensed under a Creative Commons Attribution 4.0 International License.
