La llaceriosa situación de los emplegaos de seguridá del aeropuertu asturianu

  • 22 Agosto, 2017

Anque la situación de los trabayadores asturianos de seguridá nel aeropuertu ye bien asemeyada a la qu’anició les fuertes movilizaciones nel aeropuertu catalán del Prat, n’Asturies caltienen la postura d’esperar a ver qué pasa ensin plantegase, por agora, defender los sos drechos

Pela so parte, fora yá del ámbetu de la seguridá, los trabayadores d’Aena si que convocaron una fuelga de 25 xornaes de magar el 15 de setiembre que tendría una especial incidencia nes pontes y les vacaciones de Navidá, motivada pola perda del 8% del so poder alquisitivu y reclamando la contratación de más personal.

Nel sector de la seguridá del aeropuertu de Ranón la inestabilidá ye absoluta: la contratación del personal de seguridá foi camudando d’empresa en delles ocasiones nos últimos años, siendo’l baxu costu la principal baza d’estes a la de consiguir l’axudicación. Esti aforru sal de los bolsos de los trabayaores, que vieron como la so situación foi dexenerando, con perda de poder alquisitivu, pluses que desapaecen y l’obligación de pagar fasta’l párking, con salarios d’ente 850 € en trabayaores temporales y 1.000 € nel meyor de los casos. Ente les sos otres quexes ta la falta de contratación de personal suplente nes baxes o ausencies, la falta de planes d’evaluación de riesgu, que la empresa de seguridá nun-yos apurra cuadrantes, que nun  haiga planes de formación y que s’incumpla lo alcordao cola anterior firma.

Anguañu tien la concesión la empresa iranina ICTS Hispania, que caltién una trentena de trabayadores permanentes, anque nel so momentu aportaron a sesenta. La empresa nun tien presencia n’Asturies, polo que nun hai nengún interlocutor col que poder falar y tou tien de faese vía Madrid. Tanto esta empresa como l’anterior, Ilunion, atropen denuncies interpuestes por trabayadores del Aeropuertu, pero por agora estos refuguen entamar nengún tipu de movilización “a la espera de qu’Aena tome cartes nel asuntu”

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies