La presión intracraneal yá ta estabilizada

Anque’l mozu xixonés de 24 años entá sigue ingresáu nel HUCA con pronósticu grave, ta progresando pasu ente pasu magar de les severes mancadures que presenta na cabeza. Si’l vienres los sos familiares cellebraben que Germán paecía espertar, les caberes noticies siguen apuntando na mesma dirección. «Agora retiráronle tola sedación y polo que vemos ta meyorando abondo bien», esplicó la so hermana Marta en declaraciones a la prensa tres el caberu alcuentru colos especialistes del centru mélicu.

Los mélicos encamienten estremu precuru a la de valorar l’estáu del camareru mozu. Pero l’optimismu yá se manifiesta ente los familiares. «Tien inda dalguna melecina que-y caltien dalgo torpe pero se mueve muncho», esplicaba Marta. Nos vinientes díes, suponse que los mélicos van retirar el tubu que regula la so respiración, igual que yá ficieron cola aguya que-y midía la presión intracreneal.

This work is licensed under a Creative Commons Attribution 4.0 International License.