Esti conciertu yera la despedida de Marzio Conti como director d’Oviedo Filarmonía

A lo llargo de setenta minutos, cola plaza Alfonso II enllena de miles de vecinos y la Catedral como fondu, la orquesta Oviedo Filarmonía, acompañada polos coros de la Ópera y la Fundación Princesa de Asturias, realizó una actuación maxistral na que interpretó la céllebre “Carmina Burana” de Carl Orff, nel marcu de los festexos de San Xuan.

Ente los músicos y los cien integrantes de los dos coros de la ciudá, el de la Ópera y el de la Fundación, en total hebo 170 intérpretes sobre’l escenariu.

Con motivu d’esti conciertu de despedida, l’alcalde, Wenceslao López, la vicealcaldesa, Ana Taboada y el conceyal de Cultura, Roberto Sánchez Ramos, entregaron la másima distinción de la ciudá, la Medalla d’Oru del Auditoriu Príncipe Felipe al mayestru Conti.

This work is licensed under a Creative Commons Attribution 4.0 International License.