La Llei d’Acotamientos asturiana ye incostitucional

  • 24 Maio, 2017

La reforma de la Llei Montes y Ordenación Forestal desendolcada nel mes de marzu pasáu pola Xunta, que permite la introdución de ganao nes tierres amburaes anantes de la so recuperacióny a la que s’achaquen bona parte de los cientos d’incendios carecios n’Asturies nestos tres meses, ye incostitucional

Según un informe xurídicu  internu del Ministeriu d’Agricultura y Pesca, Alimentación y Mediu Ambiente, roblau pola Direutora Xeneral de Desendolcu Rural y Política Forestal, Doña Esperanza Orellana Moraleda, la modificación de la Llei 3/2004 de Montes y Ordenación Forestal del “Principado” d’Asturies, llevada a cabo nel mes de marzu pasáu pola Xunta Xeneral (colos votos a favor de todos los grupos esceuto Podemos), pola que se llevantó la veda al pastoréu de les zones quemaes, ye incostitucional. Poro recomienda que se recurra ante esi altu Tribunal ya mesmo ista a que la Llei se suspenda cautelarmente ante los posibles efeutos medioambientales perxudiciales ya irreparables que podría ocasionar la so aplicación.

El Ministeriu considera que la Llei vulnera los estándares mínimos de proteición ambiental. La obligación del “Principado” ante los incendios ye la d’adoptar les midíes necesaries para restaurar la cubierta vexetal, incluyendo l’acotamientu temporal de la fastera incendiada de forma qu’impida la realización d’actividaes incompatibles con la rexeneración del suelu, comu ye’l pastoréu.

l’aprebación d’esta reforma de la Llei fizose ignorando los 5 informes téunico-científicos emitios por dellos  organismos científicos y universitarios nos que se pidía nun llevantar los acotamientos al pastoréu polos graves efeutos medioambientales qu’esta midida acarriaría a la rexeneración del suelu y la cubierta vexetal y pesi a que más del 80% de los suelos asturianos s’alcuentren en riesgu d’erosión altu o mui altu a consecuencia de la recurrencia de quemes, acordies l’estudiu del INDUROT de la Universidá de Uviéu.

Llucía F.Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies