La ministra principal escocesa, Nicola Sturgeon, llama a los votantes a “defender Escocia” convirtiendo los nuevos comicios nun segundu referéndum

El Partíu Nacionalista Escocés (SNP), tercer fuercia nel Parllamentu británicu, abstúvose na votación sobre l’adelantu de les elecciones pal 8 de xunu. Con esta convocatoria, los dirixentes del Partíu Conservador británicu “ven una oportunidá d’impulsar al Reinu Uníu escontra la derecha, forzar un Brexit duru ya imponer retayos más fondos”, manifestó Nicola Sturgeon.

La llíder del Partíu Nacionalista Escocés llamó a los sos votantes a movilizase col fin de convertir estos comicios nun nuevu ya informal referéndum d’independencia, yá que “si’l Partíu Nacionalista Escocés (SNP) gana estes elecciones n’Escocia y los ‘tories’ non, l’intentu de Theresa May de bloquiar el referéndum pa que los escoceses se puean pronunciar sobre’l so propiu futuru, va quedar pulverizáu”.

This work is licensed under a Creative Commons Attribution 4.0 International License.